– Vit skriva 2023 og enn skítast vit við hetta lorta amboðsrúmið. Tíbetur hava vit raskar venjarar og foreldur, sum hjálpa væl til, so børnini í Klaksvík kunnu venja fimleik, skrivar Berit Mohr á sínum facebook vanga
Kjak hevur tikið seg upp á Facebook um umstøðurnar hjá Klaksvíkar Fimleikarfelag. Berit Mohr er venjari og fyrrverandi nevndarlimur í Klaksvíkar Fimleikafelag og hon hevur lagt myndina omanfyri út við tekstinum omanfyri eisini.
Hetta hevur fingið fleiri onnur til knappaborðið.
Joan Finnsdóttir Joensen er nevndarlimur í Klaksvíkar Fimleikafelag og hon tekur undir við at umstøðurnar ikki eru nøktandi.
– Til tíðir eru amboðini hjá okkum vát og fuktig av leka. Hetta eru umstøðurnar, sum vit dag og dagliga stríðast við, skrivar Joan á sínum facebook vanga.
