Tvey gull, eitt silvur og eitt bronsu heiðursmerki bleiv tað til á Varmakeldu hjá teimum fýra manningunum hjá Klaksvíkar Róðrarfelag.
Fípan Fagra í barnaróðrinum hjá dreingjum luttók fyri fyrstu ferð í ár. Teir fingu eitt 3. pláss av teimum 6 bátunum, sum luttóku.
Í barnaróðrinum hjá gentum er Fípan Fagra framvegis stinnastur, hóast kappingin er hørð. Aftur hesaferð vunnu klaksvíks genturnar og liggja nú klárt á odda í samlaðu støðuni.
Hjá 5 mannaførum við dreingjum fekk Fípan Fagra 2. plássið hesaferð. Ein bátslongd var fram til Drekan á 1. plássinum.
Og so var tað Klaksvíkingur, ið vann sín 4. sigur á rað hjá 10-mannaførunum. Hann var hálva bátslongd frammanfyri Suðuroyingin.
Mynd: Klaksvíkar Róðrarfelag
Fleiri myndir frá Varmakeldu kunnu síggjast HER