Klaksvíkingur vísti í dag, at hann hevur gjørt risa framstig síðani Norðoyastevnu fyri tveimum vikum síðani.
Klaksvíkingur vísti í dag, at hann hevur gjørt risa framstig síðani Norðoyastevnu fyri tveimum vikum síðani.
Á Norðoyastevnu var Suðuroyingur klárt besti báturin og vann við einari bátslongd. Men nú tvær vikur seinni sóu vit stóra broyting. Klaksvíkingur, ið hevði tveir nýggjar mans umborð í mun til seinast, var ikki til at kenna aftur. Starturin var góður og í miðróðrinum bleiv grundarlagið fyri sigrinum lagt. Í endaspurtinum byrjaði Klaksvíkingur seinni at spurta enn hinir og tað bleiv kanska eisini avgerandi. Hóast útvarps frásøgnin ljóðaði spennandi vegna trupla vísningin, so var greiður munur á mállinjuni. Næstan ein bátslongd var á muni, tá Klaksvíkingur kom um málið frammanfyri Suðuroyingin.
Við sigrinum eru Klaksvíkingur og Suðuroyingur javnir á fyrsta plássinum í FM kappingini. Í dag sóu vit stóra broyting í mun til Norðoyastevnuna og so er spurningurin, hvussu verður um eina viku á Fjarðastevnu á Skála.
Úrslitið í dag gjørdist:
1. Klaksvíkingur – 09:25.19
2. Suðuroyingur – 09:27.24
3. Havnarbáturin – 09:29.09
