Kappróðrarárið byrjaði væl fyri ungu manningina á Klaksvíkingi.
Undan dagsins róðri var spenningur um, hvørs Klaksvíkingur fór at megna at geva føroyameistarunum í 10-mannaførum síðstu árini, Orminum Langa, kapping.
Fyrsta partin av teininum var talan um spennandi róður, har Ormurin Langi og Klaksvíkingur fóru stavn um stavn inneftir Skálafjørðinum. Í miðróðrinum vann Klaksvíkingur seg eina bátslongd framum og munurin øktist fram til mállinjuna, tá tvær bátslongdir vóru á muni. Sostatt fekk Klaksvíkingur sína ynskisbyrjan uppá kappingarárið.
Lagt er nú upp til eitt sera spennandi kappróðrarár hjá 10-mannaførum, har Klaksvíkingur í fyrsta av sjey róðrum stóð royndina.
1. Klaksvíkingur 04.44.33
2. Ormurin Langi 04.49.31
3. Havnarbáturin 05.00.39
Róðurin kann síggjast hjá KVF HER
