Sum liður í dagføring av kloakkunum hevur Klaksvíkar kommuna yvir eitt 6-8 ára skeið sett av til samans um 80 milliónir í verkætlan, kallað Spillvatnsætlanin.
Tí verður í løtuni vegurin grivin av yvirum Biskupsstøðgøtu við Fonnflog. Leiðing verður løgd frá reinsiverkinum á Biskupstøð niðan til Jørundsgøtu, Fjósabrekku og heilt norður á Garðavegin.
Eftir ætlan skal vegbreytin verða løgd aftur í morgin á middegi, so koyrandi er um vikuskiftið í báðum síðum.
Mánadagin verður so hildið fram í ovara borð á sama vegastrekki. Mett verður, at hetta arbeiðið kemur at taka eini tveir dagar, til aftur er koyrandi á breytini.
Asfalterað verður aftur ikki so langt eftir at breytin fylt upp og tað verðurfarbart.
Tað er Sp/F á Brekku sum ger hetta arbeiðið fyri Klaksvíkar kommunu.
