Lættir og leskiligir skundverðir úr havinum eru á skránni í dag millum kl. 15 og 17 á torginum í SMS.
Lættir og leskiligir skundverðir úr havinum eru á skránni í dag millum kl. 15 og 17 á torginum í SMS.
Tað er Fólkaheilsuráðið, sum saman við Miklagarði skipar fyri matgerð á torginum.
Uni Gullfoss, kokkur, fer at hjálpa kundanum at gera lættar og leskiligar skundverðir úr havinum.
Hann fer eisini at koma við hugskotum, hvat ið restin av rættinum kann brúkast til, eitt nú sum viðskera hjá barninum at hava við í barnagarðin. Hugskot og uppskriftir fært tú eisini frá Una.
Hetta er vælkomið í eini tíð, har øll hava nógvan skund og hava brúk fyri at gera ein skjótan verð. Hetta nýtist als ikki at ganga útyvir góðskuna av tí, ið gjørt verður. Rættirnir, sum verða gjørdir, eru úr fiski og grønmeti, og kunnu saktans gerast uppá fimm minuttir; tað er tað vit fegin vilja vísa við átakinum, skrivar Fólkaheilsuráðið í tíðindaskrivi.
