Á býráðsfundinum í kvøld fara býráðslimirnir millum annað at samtykkja fíggjarætlanina fyri 2025. Vit hyggja at inntøkum, útreiðslum og raðfestingunum
Úr málinum um uppskot til fíggjarætlanina fyri 2025 kunnu vit lesa at:
- Inntøkurnar eru 381 mió. kr.
- Rakstur 288 mió. kr.
- Rentustuðul og rentur 19,4 mió. kr.
- Íløgur 56 mió. kr.
- Avdráttir 17,6 mió. kr.
- Uppskotið javnvigar sostatt við kr. 0.
- Skattaprosentið er óbroytt 20,75%,
- Barnafrádrátturin hækkar úr kr. 6.500 til 8.000.
Hyggja vit at rakstrarstøðunum, talvan niðanfyri, sæst at skattainntøkurnar økjast við 8,1% ella 28 mió kr. og umleið helvtin av hesi meirinntøku verður løgd aftrat ymsu rakstrarstøðunum. Mentan og frítíð og Kommunal fyrisiting fáa størstu økingina.
Inntøkunar hjá Klaksvíkar kommunu útgreinaðar niðanfyri:
Íløgurnar hjá Klaksvíkar kommunu fyri 2025 eru útgreinaðar niðanfyri. Hornaskýlið við Djúpumýru og lendisarbeiði viðvíkjandi nyggja hotellinum fara avstað við flestu íløgukrónunum.
Býráðsfundurin byrjar kl. 17.30 og verður í Varpinum.
Býráðsskráin kann takast niður her: Býráðsskráin 28. november 2024
