Vøkru betonsteinarnar, sum hava ligið eftir koyribreytini kring biskupstorg verða nú tikin upp aftur.
Teir hava ikki virkað eftir vild – hava livað ov nógv og brotið ella meiðslað hvønn annan so mikið, at nú er valt at leggja annað tilfar sum farbreyt.
Eitt útlendskt tilfar frá Vuba, sum kemur í næstu viku, skal leggjast í tveimum umførum. Fyrst verður lagt eitt styrkjandi undirlag og so seinni eitt tilfar omaná, sum kallast Resin Bound.
Hetta er steinmatriali, sum er lagt í serligt lím og verður yvirflatan ljósir steinar.
Eini 1200 m2 verða tiknir burtur nú, har teir steinarnir, sum kunnu brúkast aftur til onnur arbeiði, verða tiknir til høldar.
