Tað sær út til, at okkara almenna kringvarp hevur fingið aðrar reglur at arbeiða eftir, um tað er nýggi stjórin ella Rás2 sum er orsøkin, skal vera ósagt.
Men vit Norðoyingar skulu heilsa og siga, at Kringvarpið er hjartaliga vælkomið norður og vón okkara er, at stovnurin fær eitt enn fastari fótafesti her enn bara á Norðoyastevnu.
Fiskivinnuhøvuðsstaðurin í Føroyum átti í minsta lagi at havt eina deild av almenna kringvarpinum, sum eisini vit uttanfyri høvuðsstaðin gjalda bróðurpartin av.




