Tað var bara hepni at ikki illa vildi til, hjólið datt undan tá eg traðkaði á tað fyri at sleppa umborð, tað eru alt ov fáir leytarar fyri ikki at siga ongin, sigur Kristoffur Joensen
Tá vit vóru á støð í morgun hittu vit Kristoffur Joensen og Jógvan Páll Steinberg. Teir vóru báðir komnir aftur av útróðri og í gongd við at avreiða. Teir prátaðu um ymiskt, millum annað um tá Kristoffur datt niður ímillum bátin og bryggjuna.
– Eg fór allur undur sum eg var og merkti ein enda sum eg tók í. Tíbetur var hann fastur í land, men tað kundi hann fyri tað sama ikki verið, Eg kundi eisini hava smekkað høvdið í á veg niður, sigur Kristoffur.
Hetta er ikki fyrstu ferð at menn detta niðurímillum orsakað av at hjólini eru ov illa fastspent.
– Tað er ikki long tíð síðan tá ein annar maður fór niður ímillum júst á sama máta, sigur Jógvan Páll Steinberg.
Teir eru báðir samdir um, at trygdin er ikki í lagi hjá útróðrarmonnunum og at hetta eigur at verða fingið í rættlag skjótast gjørligt.
