Ættin fer at liggja um sunnan og eystan fyri sunnan nakrar dagar. Lýggjari luft úr miðjum Norðuratlantshavi rekur ímóti Føroyum.
Hitin kring oyggjarnar er eini 2 – 3 stig heitari enn í gjár og fyrradagin. Hetta verður væntaða hitalagið næstu dagarnar.
Vindferðin í dag fyri alt landið er veksandi úr 8 til 13 m/s úr suðuri nú á middegi til 15 til 20 m/s á midnátt.
Seinnapartin og í kvøld kunnu æl væntast við regni. Í nátt verður regn.
Í nátt og allan morgin verða 15 til 20 m/s úr suðuri ella landssynningi-suðuri – onkra løtu morginári 18 til 23 m/s. Skýggjað veður við ælingum allan morgin.
Seinni í viku fara leivdirnar av tropisku ódnini Oscar at síggjast í Miðatlantshavi. Enn er ógvuliga óvist, hvussu nær hon kemur Føroyum. Meiri um tað seinni.
