Aleksander Djordjevic var aftur settur fram í álopið, har hann hesa ferð var einsamallur í eini 4-5-1 liðuppstilling við 5 leikarum á miðvøllinum, sum bæði skuldu styrkja frameftir og tetta væl í verjupartinum.
KÍ-liðið, sum byrjaði inni á Skála var hetta:
Málmaður: Karstin Joensen.
Miðverja: Ovi Nysted og Sámal Eyðfinn Akursmørk.
Høgri bakkur: Harley Bertholdsen
Vinstri bakkur: Símun Joensen
Miðvøllur: Allan Joensen, Hjalgrím Elttør og Leon Bjartalíð.
Høgri vongur: Atli Danielsen
Vinstri vongur: Erling Fles
Álopsleikari: Aleksander Djordjevic
Útskiftingarnar vóru hesar:
John Ryan kom inn fyri Erling Fles í hálvleikinum.
Sostatt gjørdi John come-back, og tí fær hann eisini eina serliga viðmerking frá okkum.
Tað tóktist at rigga væl hjá honum. Hann var kanska ikki so álopssinnaður, men tað var KÍ-liðið heldur ikki sum heild stóran part av seinna hálvleiki. John fór sum nevnt sjáldan við fram í álop, men hann spældi skilagott og var tryggur á bóltinum.
Tá umleið 20 minuttir vóru eftir av dystinum, fekk Allan Joensen trupult við at halda fram. Hann hevur verið skaddur og var eisini ivasamur til dystin.
Í hansara stað setti KÍ-venjarin, Jan Joensen, seg sjálvan inn á miðvøllin.
Seinni kom eisini Eyðun Klakkstein inn á vøllin.
Eyðun varð skiftur inn fyri Leon Bjartalíð men varð settur á høgra vongplássið hjá Atla Danielsen, sum ístaðin flutti inn á plássið hjá Leon.
