Framman undan dystinum ímóti B68 vóru 7 stig frá KÍ upp til nr. 1, HB, men eftir at B68 vann á KÍ, samstundis sum HB og øll hini oddaliðini vunnu, liggur KÍ 10 stig frá oddasessinum, og nú eru bara møguligt at vinna 15 stig afturat!
Á sjálvum 99-ára føðingardegnum hjá KÍ sunnudagin tann 24. august 2003 gjørdi B68 enda á teimum seinastu FM-vónunum hjá besta KÍ-liðnum, sum tapti 1-3 á Svangaskarði eftir at hava verið á odda 1-0 stóran part av dystinum.
Tað var kanska longu frammanundan ov optimistiskt at rokna við FM-gulli til KÍ, men nú er tað so í øllum førum fokið eftir ósigurin á Toftum.
Nú 5 dystir eru eftir at leika, kann KÍ í mesta lagi fáa 15 stig afturat tað er, um teir vinna allar hesar fimm dystirnar
Í løtuni eru 10 stig upp til nr. 1, HB, sum hevur 30 stig 4 stig framman fyri B68, sum hevur 26 stig, meðan B36 og NSÍ hava 25 stig á 3. og 4. plássi. Síðani kemur KÍ sum nr. 5 við 20 stigum.
Støðan í 1. deild er nú henda:
Nr. Felag D V-J-T Málmunur Stig
01) HB 13 9-3-1 +19 (33-14) 30
02) B68 13 7-5-1 +10 (18-8) 26
03) B36 13 8-1-4 +12 (26-14) 25
04) NSÍ 13 7-4-2 +12 (23-11) 25
05) KÍ 13 6-2-5 4 (16-20) 20
06) EB/St 13 5-4-4 1 (24-25) 19
07) GÍ 13 3-4-6 8 (14-22) 13
08) VB 13 3-3-7 9 (15-24) 12
09) FSV 13 2-2-9 14 (18-32) 8
10) Skála 13 1-0-12 17 (8-25) 3
Teir írestandi dystirnir hjá KÍ í landskappingini eru hesir:
B36 heima 31/8
Skála heima 14/9
FSV úti 21/9
NSÍ heima 28/9
HB úti 5/10
Sostatt skal KÍ spæla ímóti 3 oddaliðum (heima ímóti B36 nú sunnudagin og so ímóti NSÍ og HB í teimum báðum seinastu umførunum) og ímóti 2 botnliðum (Skála og FSV).
Úrslitini hjá KÍ kunnu tí fáa ávirkan á, hvat av oddaliðunum verður føroyameistari.
Hóast hann ikki skoraði á Toftum sunnudagin, er Hjalgrím Elttør framvegis toppskjútti í 1. deild við 9 málum.
Toppskjúttarnir í 1. deild
Hjalgrím Elttør, KÍ 9 mál
Andrew av Fløtum, HB 8 mál
John Petersen, B36 8 mál
Sonni L. Petersen, NSÍ 6 mál
Birgir Jørgensen, VB 6 mál
Milan Kulic, VB 6 mál
