Djóni Nolsøe Joensen, landsstýrismaður, hevur verið á kunnandi fundi í Klaksvíkar kommunu.
Tað var borgarstjórin, Karl Johansen, sum hevði bjóðað norður, so landsstýrismaðurin kundi fáa kunning um barna- og ungdómsøkið í kommununi. Eyðstein Ó. Poulsen, formaður í Trivnaðarnevndini, Børn og ung, saman við embætisfólkum, greiddu frá, hvussu kommunan hevur skipað økið og loysir uppgávurnar.
Tað vóru gevandi og áhugaverdar framløgur, sum góvu innlit í eina kommunu, sum raðfestir børn og ung høgt. Tað er altíð gleðiligt at hoyra og síggja, staðfestir landsstýrismaðurin.
