Gravgangurin eftir at sleppa fram at mikrofonini í dag, gjørdi at landsverkstjórin gjørdi bart – bara hann tosar!
Ætlanin var annars at borgarstjórarnir í Hvannasunds- og Viðareiðis kommunum skuldu røða. Hetta var skráin fyrr í vikuni.
Norðlýsið hevur siðani fingið uppspurt, at løgtingslimir við mikrofonskriðja løgdu so stórt trýst á stjóran í Landsverk, at sleppa framat, at hann til endans broytti skránna heilt.
Nú verður tað bara Sigurð L. Lamhauge, landsverksstjóri sum sleppur framat mikrofonini!
Teksturin á landsverk.fo fyri hátíðarløtuni í dag kl. 14.00 ljóðar nú soleiðis :
Í sambandi við hátíðarløtuna, sum verður kl. 14:00 omanfyri Norðtoftir, verður Hvannasundstunnilin stongdur frá kl. 14:00 til 15:00.
Bilar kunnu parkera á kajøkinum í Norðdepli, haðani bussar koyra fólk til hátíðarhaldið, har Sigurd L. Lamhauge heldur røðu. Bussarnir byrja at koyra kl. 13:00.
