Hóast løgmansskrivstovan í tíðindaskrivinum vísir á at Fútin metir at málið er fyrna, so hartar fútin eisini løgmann í brævinum.
Í seinasta partinum av brævinum stendur soleiðis skrivað:
"…Herudover skal jeg henlede opmærksomheden på bestemmelsen i straffelovens § 96, stk. 1, hvorefter adgangen til at begære offentlig påtale bortfalder, når den berettigede ikke har framsat begæring inden 6 måneder efter, at han har fået sådan kundskab, at den har tilstrækkeligt grundlag for fremsættelse af påtalebegæring, hvorved bemærkes, at Steinbjørn O. Jacobsen allerede i pressemeddelse den 16. marts 2005 oplyste, at Klaksvík Kommune risikerede at miste op mod 1 mill. kr. efter at Phoenix Kapitaldienst GmbH erklæret konkurs…."
Gongdin í málinum
nordlysid.fo – Hósdagur 17. mars 2005 – kl. 00:39
Borgarstjórin boðar frá í tíðindiaskrivi at Klaksvíkar Kommuna óivað fer at missa pening í Týska íløgufelagnum Phønix
nordlysid.fo – Mánadagur 21. mars 2005 – kl. 11:34
Borgarstjórin trínur fram í Degi og Viku og tekur fulla ábyrgd av phønix málinum.
– Málið hevur verið ein umsitingarligur spurningur og hóast fíggjarnevndin varð kunnað, so vóru tað vit sum tóku avgerð í málinum.
– Eg eri ovasti umsitingarligi leiðarin og tað var eisini eg sum undirskrivaði og tað er eisini eg sum hava ábyrgd av málinum, segði ein avgjørdur borgarstjóri.
Upp á spurningin um málið nú far fylgjur segði borgarstjórin at tann spurningin eigur Kommunala eftirlitið at svarað um teir avgera at taka málið upp til kanningar. Og áðrenn tað var avgjørt vildi borgarsjórin ikki gera nakraviðmerking um møguligar fylgjur.
nordlysid.fo – Hósdagur 7. apríl 2005 – kl. 10:10
Løgmaður tikið phoenixmálið í egnar hendur
Sjúrður Rasmussen, ráðgevi hjá Løgmanni, váttar at løgmaður hevur tikið avgerð um at kannað málið um týska íløgufelagið Phoenix og Klaksvíkar Kommunu
Løgmansskrivstovan gjørt løgfrøðisliga niðurstøðu í phønix málinum
nordlysid.fo – Týsdagur 28. juni 2005 – kl. 11:19
"Borgarstjórin sett lógina til viks í Phoenix-málinum
Í einum av niðurstøðunum hjá løgmansskrivstovuni verður sligið fæst: "…Sostatt er peningurin ikki fyrisitin, sum hann skal eftir § 42 stk. 2 í kommunustýrislógini, og Steinbjørn O. Jacobsen, borgarstjóri hevur tí hin 23. mai 2002 og 25. juli 2003 sett til viks § 42 stk. 2 í kommunustýrislógini…..""
Hósdagur 25. august 2005 – kl. 14:05
Skrivar Norðlýsið at fundur hevði verið millum Løgmann og Klaksvíkar Kommunu har advokaturin hjá kommununi vísir á at teir ikki eru samdir í løgfrøðisligu niðurstøðuni hjá løgmanni.
Meira enn tveir mánaðar eftir fundin við Klaksvíkar Kommunu tekur Løgmaður avgerð í málinum og meldar Klaksvíkar Kommunu.
17. september: Freistin út hjá løgmanni at melda.
Freistin sambart §96 stk 1 "hvorefter adgangen til at begære offentlig påtale bortalder, når den berettigede ikke har fremsat begæring inden 6 måneder efter, at han har fået sådan kundskab, at han har tilstrækkeligt grundlag for fremsættelse af påtalebegæring…..(sambart fútanum hevur løgmaður fingið tað tá Borgarstjórin sendir tíðindaskrivi út)….
Nordlysid.fo – mikudagin 2. november:
" Løgmaður tikið støðu
Málið hevur so ligið á borðinum hjá løgmanni og í seinastu viku kom hann so til tað niðurstøðu at málið skuldi sendast løgregluni til kanningar.
– Sum málið stendur hevði eg einki val. Løgfrøðiliga ráðgevingin sigur greitt at íløgurnar í Phønix vóru gjørdar uttan lógarheimild.
– Við slíkum løgfrøðiligum tilmælum kann eg sum løgmaður einki annað gera enn at lata fútanum málið.
– Persónliga eri eg glaður, um niðurstøðan hjá fútanum verður at grundarlag ikki er fyri at reisa ákærur í málinum, men annars havi eg ikki meira at viðmerkja
Málið fyrnað undir øllum umstøðum
Hóast løgmaður hevði megnað at hildi tíðarfreistina so hevði málið sambart fútanum álíkavæl verið fyrnað tí talan var um eitt mál sum bert gevur bót.
Fútin sigur at lógarbrotið verður framt í maj 2002 og í juli 2003 og tá fyrningar freistin er tvey ár í slíkum málum far hann einki gjørt við málið.
Fútin skrivar annars at niðurstøða hansara kann klagast til ríkisadvokatin, men henda møguleika hevur løgmaður valt ikki at royna.
