Fundur hevur verið millum løgmann og klaksvíkar býráð um Phønixmálið
Áðrenn summarfrítíðina bað løgmaður Klaksvíkar Býráð um viðmerkingar til niðurstøðu sum umsitingin hjá løgmanni hevði gjørt í Phønix málinum.
– Vit vóru síðani kontaktaðir av Klaksvíkar Kommunu har teir saman við sínum løgfrøðingi ynsktu fund við meg, sigur løgmaður, Jóannes Eidesgaard, í viðmerking.
– Har greiddu teir frá málinum og frá mannagongdum, og tað er greitt at Kommunan her hevur gjørt nakrar óhepnar disponeringar.
– Málið er nú klárt til politiska støðutakan og eg fari at taka støðu fyrsta dagin.
