(Malta) – Vit eru ikki nøgdir. Vit høvdu væntað fleiri stig, tó at vit ikki høvdu væntað at vunnið bólkin.
Valhmor Camilleri er tíðindafólk frá Times of Malta. Hann sigur, at støðan í Nations League bólkinum er áleið sum vænta.
– Vit høvdu ikki væntað at vunnið bólkin, men vit høvdu væntað at fingið fleiri stig. Annars er støðan í bólkinum áleið sum vænta. Eg hevði væntað, at Kosovo vann bólkin, meðan Aserbadjan og Føroyar høvdu ligið aftanfyri, sigur Valhmor.
– Hesin dysturin hevur sera stóran týdning fyri Malta, tí tað er dystur um ikki at enda aftast í bólkinum. Gera vit ikki somu mistøk sum leygardagin, so verður tað ein javnur dystur. Men eg havi Føroyar sum favorittar, sigur Valhmor Camilleri við Norðlýsið.
Dysturin á Malta í kvøld byrjar kl. 19.45.
