Bíðirøðin har fólk standa og bíða eftir at blíva kannað fyri Corona er sera long við Klaksvíkar Sjúkrahús í morgun, sigur Aleksandra á Dul, stjóri á sjúkrahúsinum. Vit hava fingið um 500 tilvísingar frá kommunulæknunum um kanningar, so vit hava ikki rættuliga tamarhald á talinum. Men tað gongur sera væl við kanningunum, starvsfólkini her hava verið sera kreativ, og hava fingið sær ein sjúkrabil afturat til at gera kanningina í, so í løtuni kanna vit í tveimum sporum.
Portørarnir eru eisini úti og vísa fólki á og stuðla. Men sjálvandi, leggur Aleksandra aturat, fólk mugu sjálvandi brynjað seg við toli, men veðrið er gott og kanningarnar ganga skjótt.
