Løgmaður var í gjár hjástaddur, tá ið íslendska sendistovan í New Dehli læt upp.
Íslendingar sendistovu í New Dehli
Íslendski uttanríkisráðharrin, Geir M. Haarde, varð í seinastu løtu noyddur at avlýsa ferðina til India, og í hansara stað umboðaði Þorgerður K. Gunnarsdóttir íslendsku stjórnina. Á móttøkuni helt løgmaður stutta røðu og handaði mentamálaráðharranum málning eftir Amariel Norðoy. Um kvøldið var døgurði hjá danska sendimanninum, Michael Sternberg. Innboðin vóru løgmaður og føroysk vinnulívsfólk, íslendski undirvísingar- og mentamálaráðharrin, nýggi íslendski sendiharrin í New Dehli og hinir norðurlendsku sendiharrarnir.
