Fyrstudeildarliðið hjá Team Klaksvík spælir sunnudagin kl. 18:30 eitt rættiliga týðandi botndyst í badmintonhøllni móti VÍF.
Í løtuni liggur Team Klaksvík niðast á stigatalvuni í 1. deild við 2 stigum, meðan VÍF, sum kemur á vitjan sunnudagin, liggur næstniðast við 3 stigum.
Sostatt má hesin dystur vinnast, um Team Klaksvík skal koma burtur frá aftasta plássi í deildini.
Hetta unga hondbóltsfelagið í Klaksvík hevur annars higartil klárað seg óvæntað væl.
Í sínum fyrsta kappingarári vann Team Klaksvík fyri umleið 2 árum síðan kappingina í 2. deild og flutti harvið upp í 1. deild, har felagið spældi seinasta vetur og var við í ovara enda av stigatalvuni, men tó ikki nóg ovarlaga til at hava møguleika fyri uppflyting í Atlantic Airways deildina.
Men í ár hevur ikki gingist eins væl – óivað er hetta tí, at hini feløgini nú taka Team Klaksvík í størri álvara enn higartil, og fyrstudeildarliðið fær tí nú sterkari mótstøðu enn áður, og tað sæst aftur í úrslitunum, sum higartil í kappingini ikki hava verið so góð.
Stóri vansin hjá Team Klaksvík í mun til hini feløgini er breiddin í hópinum av leikarum, har hini feløgini hava fleiri ár á baki og tí eisini hava eitt munandi størri tal av leikarum, bæði yngri og eldri, at taka av til dystirnar.
Eisini síggja vit í ár, at hini feløgini, sum Team Klaksvík møtir í 1. deild, ofta taka onkrar leikarar av liðnum, sum spælir í Atlantic Airways deildini, og brúka teir í 1. deildardystum ímóti Team Klaksvík.
Norðlýsið hevur spurt seg fyri um hetta og fingið upplýst, at einki ólógligt er í hesum, men sjálvsagt hetta um 1. deilarliðið hjá teimum feløgunum og ger tað truplari hjá Team Klaksvík at klára seg.
Liðið liggur í løtuni niðast í 1. deild við 2 stigum, sum liðið vann í dysti ímóti oddaliðnum Kyndli.
Støðan í 1. deild er í løtuni henda, nú øll liðini hava spælt 7 dystir:
1) Kyndil +18 mál 12 stig
2) H71 +32 mál 11 stig
3) StÍF -2 mál 8 stig
4) Neistin +14 mál 6 stig
5) VÍF -24 mál 3 stig
6) Team Kl. -38 mál 2 stig
Liðið hjá Team Klaksvík, sum venjarin, Fríðin Ziskason, hevur tikið út til hendan dystin, er hetta:
Málmenn:
Bent Hansen
Andrass Samson
Útileikarar:
Jón Jacobsen
Niclas Niclasen
Kristoffur Jakobsen
Steffan Kalsø
Rógvi Olsen
Willy Stampe
Dánjal Kjærbo
Beinur Heðinsson
Jógvan Hansen
Mathias Samuelsen
Sámal Olsen
