Neyvan nakar málverji hevur eins sannførandi hagtøl at vísa á í Effodeildini í ár sum royndi KÍ málverjin, sum seinastu dystirnar hevur vunnið sær pláss á liðnum.
Meinhardt Joensen spældi fyrsta landskappingardystin í ár móti Skála, tá Kristian Joensen ikki var komin yvir skaðan, sum hann fekk í vetur. Síðani spældi Meinhardt aftur tríggjar dystir í summar, móti ÍF og báðar dystirnar móti AIK. Kristian Joensen tók so plássið aftur, men bleiv aftur skaddur til ÍF dystin fyri 4 umførum síðani. Síðani tá hevur Meinhardt vart KÍ málið. Sostatt hevur Meinhardt spælt 8 dystir í ár og hildið málið reint í 6 av dystunum. Harav er einki mál farið ígjøgnum seinastu fýra dystirnar og tað ger, at KÍ er liðið í Effodeildini, sum hevur latið fæst mál ígjøgnum.
Meinhardt Joensen hevur sostatt spælt 8 dystir í ár:
KÍ-Skála 0-0
ÍF-KÍ 1-4
KÍ-AIK 0-0
AIK-KÍ 5-0
KÍ-ÍF 4-0
KÍ-EB/Streymur 6-0
Víkingur-KÍ 0-0
KÍ-HB 0-0
Dystur: 8
Hildið málið reint: 6
