Merkiliga friðarligt

Óvanliga friðarligt vikuskiftið í Klaksvík

Frá Politistøðini verður sagt frá óvanliga friðarligum vikuskifti, tá havt verður í huga, at nógvar jólaveitslur vóru í býnum bæði fríggjakvøldið og leygarkvøldið

–    Tað hevur verið rættiliga friðarligt í Klaksvík um vikuskiftið. Ongin tilburður av nøkrum slag hevur verið. Eingin bilførari var tikin fyri rúsdrekkakoyring og ei heldur var ófriður av nøkrum slag, verður sagt av Politistøðini.

Løgreglan dugir ikki at siga hví so friðarligt var, men kanska spældi váta veðrið ein leiklut.

Tað einasta sum løgreglan hevði at gera í vikuskiftinum var at koyra onkran persón til hús, ið hevði fingið ov nóg av váta slagnum niðurum.