Eitt toymi frá MEST var í Lindø skipasmiðjuni í Danmark í samband við umvælingararbeiði á Smyril seinastu vikurnar
Eitt toymi frá MEST var í Lindø skipasmiðjuni í Danmark í samband við umvælingararbeiði á Smyril seinastu vikurnar
Sjey mans frá skipasmiðjuni MEST hava seinastu vikurnar verið í Danmark í samband við viðlíkahaldsarbeiði á Smyril. Hetta vóru leingir dagar har menn arbeiddu 12 tímar hvønn dag – og loystu uppgávurnar uppá styttri tíð enn ætlað.
Arbeiðið fevndi um týdningarmiklar partar av útgerðini hjá Smyrli – eitt nú:
– Klassing av reduktiónsgervið og yvirháling av OD. boxum í samband við skrúvurnar
– Veitt nýggjar pakkdósir til skrúvuakslar
– Veitt lutir og umvælt dekkspøl
– Veitt lutir í samband við umvæling av bógskrúvum
– Veitt og ísett desorbarar til reinsan av stevnirørsolju
– Veitt og skift Vulkan kobling millum gervið og høvuðsmotor 1
Sum myndirnar vísa vóru menn til dystin fús og vóru afturboðanirnar frá leiðandi starvsfólkum á skipasmiðjuni sera ja-ligar. Millum annað varð nevnt, at MEST toymið framdi arbeiði innan munandi styttri tíð enn teir vóru vanir við á Lindø.
Smyril er sum kunnugt nú byrjaður uppá sigling aftur millum oyggjarnar.
