Mongu áskoðararnir fingu spenning til tað síðsta, tá eitt av heimsins bestu landsliðum vitjaði á Tórsvølli.
Kroatia fekk einasta málið í dystinum, men tað kundu komið fleiri. Kanska størsta málmøguleikan fingu føroyingar beinanvegin í dystinum, men Kroatia hevði eisini sínar møguleikar. Føroyingar spældu dystin rætt og hetta gav vónir um, at góð úrslit liggja og bíða komandi tíðina, tí her var nógv gott a taka við.
Mánakvøldið spæla Føroyar í Gibraltar, men longu um nakrar vikur verða tveir spennandi heimadystir, tá Montenegro og Kekkia í oktober vitja.
