HB-kvinnurnar fóru úr Klaksvík við hálvfinaluplássinum.
Tað var lagt upp til ein spennandi dyst í Klaksvík í kvøld. KÍ og HB hava spælt tveir javnleikir móti hvørjum øðrum í landskappingini. Tað skuldi eisini blíva ein spennandi dystur. HB kom á odda, men KÍ javnaði við máli frá Mariu Biskopstø. Avgerandi málið kom í 75. minutti, tá Julia Naomi Mortensen skoraði. KÍ royndi at trýsta, men HB megnaði at verja fyri og vann 2-1.
KÍ hevur sostatt mist møguleikan at endurvinna greipuna, meðan HB fer víðari í hálvfinalurnar, ið vera leiktar í oktober.
