Fyrireikingarnar vóru í hæddini, tá Norðlýsið var í Badmintonhøllini mikukvøldið.
Leygardagin verða hálvfinalurnar í flogbólti leiktar í KÍ høllini í Klaksvík. Mjølnir kvinnurnar spæla ímóti Drátti og lagt er upp til ein spennandi dyst sum kann fara báðar vegir. Liðini hava vunnið hvør sín innanhýsis dyst í landskappingini og hóast Mjølnir er nøkur stig frammanfyri í landskappingini, so hevur Dráttur fingið tey betru úrslitini í kappingini eftir nýggjár.
Mjølnir vandi í Badmintonhøllini mikukvøldið, har myndirnar eru frá. Dysturin millum Mjølnir og Drátt byrjar leygardagin kl. 15.00 í KÍ høllini.
