Team Klaksvík og Kyndil spæla avgerandi dyst í Klaksvík leygarkvøldið í bólkaspælinum í steypakappingini.
Støðan í bólkinum er tann, at vinnarin av hesum dystinum fer víðari til hálvfinalurnar. Bæði liðini hava vunnið stórt á H71 2 og tapt á Neistanum. Í landskappingini hava innanhýsis dystirnir verið rímiliga tættir. Team Klaksvík vann við einum máli í Klaksvík, meðan Kyndil vann við fýra málum báðar dystirnar í Tórshavn.
Norðlýsið var í Badmintonhøllini mánakvøldið, tá Team Klaksvík byrjaði sínar fyrireikingar til avgerandi dystin leygarkvøldið, ið byrjar kl. 18.00. Í blaðnum í dag kann meir lesast um dystin, har samrøður eru við venjara og liðskipara.
