Í dag varð latið upp í spildurnýggju hølunum á Klaksvíkvegi 80
Vit vitjaðu í snotuligu hølunum og heilsaðu uppá Leivur Høgnesen, sum er ráðgevi og sølufólk í handlinum. Fitt av kundum vóru eisini í handlinum løtuna vit vitjaðu.
Kaffi og ymiskt munngott var at fáa afturvið. Fleir kundar tóku vældámdu Nema-kalendararnar við heim.
Umframt handilshølini eru skrivstovu- og fundarhølir í øllum bygninginum. 18 fólk hjá Nema arbeiða í bygninginum.
Í tunnilsblaðum komandi viku hyggja vit nærri at nýggjum kørmunum og virkseminum hjá Nema í Klaksvík.
