Teir hjá Chr. í Grótinum í Klaksvík hava keypt partrolararnar Nónhamar, Fjalshamar, Smaragd og Safir frá Føroya Banka.
Avtalan var undirskrivað fríggjadagin og sambart Eyðun Rasmussen, stjóra í P/F Christan í Grótinum verða tvey av skipunum allarhelst løgd.
– Føroya Banki avgjørdi jú at selja nøkur av fiskiloyvunum sum bátarnir hava havt til aðrar og tí er neyvan grundarlag fyri at allir fýra bátarnir fara aftur til fiskiskap.
– Vit fara fyrst at fáa bátarnar norður og fara síðani at kann hvat skal gerðast við teir.
– Tá hetta arbeiðið er gjørt verður avgerð tikin um hvussu víðari skal farast, men eg væntið ikki at tað verður meira enn tað eina parið sum ferð aftur til fiskiskap.
– Vit hava onga avtalu gjørt við Kósavirkið men tað er náttúrligt at vit fara at tosað saman so skjótt sum gongd kemur aftur á virksemið á Kósini.
Nýggja Norðborg kemur á Páskum
Eyðun Rasmussen sigur at nýggja Norðborg kemur vantandi til páskar.
– Tað gongur heldur seint at fáa nýggju Norðborg endaliga lidna men vit rokna við at brúka ein mánaða afturat so vónandi kemur hon til Klaksvíkar á páskum.
– Týsdagin vóru teir ein royndartúr og alt riggaði sera væl.
