Keypið er ein liður í at menna Norðhús enn meira, sigur Hjalti Josephsen stjóri í Norðhús við Norðlýsið
Norðhús hevur keypt partapeningin í J+H Betong og virksemi fer at halda fram sum áður, við somu góðu tænastu til kundar okkara.
J+H Betong er ein sokallað betong blandistøð. Starvsfólkini eru ein blandingsmeistari og tveir útkoyrarar, sum allir halda fram í starvinum, upplýsir Hjalti.
J+H Betong er veitari av betongi til øll endamál og kann veita váttan um brotstyrkina í betonginum, sigur Hjalti.
Við blandistøðini kunnu vit nú veita betong til allar okkara kundar, umframt okkum sjálvar, sigur Hjalti við Norðlýsið at enda.
