Stór smíl og lívsjáttandi látur vóru eyðkennini fyri firmakappingina sum Mjølnir skipaði fyri í Badmintonhøllini í gjár
Tey sum meldaðu lið til vóru:
- Føroyar Bjór
- Mowi
- Norðhús
- Norðoya Sparikassi
- Á Skúlatrøð
- Kjølbro Heilsøla
- Fullpower
- Klaksvíkar Sjúkrahús
- JFK
Øll liðini møttu stundilsliga kl 10 og síðani varð felags upphiting á skrá, sum høvuðsvenjarin hjá Mjølnir Cristian Imhoff tók sær av. Onkur helt fyri tá upphitingin var liðug, at hetta var ríkiligt fyri viðkomandi. Síðani dystarupphiting og kappingin í gongd.
Starvsfólkini á Skúlatrøð og Norðhús leiktu seg í finaluna, sum varð leikt á langbana. Áðrenn tað høvdu øll kempa fyri sínum kjansi. Norðhús vann finaluna og kunnu tí gleða seg til góða máltíð frá kaffistovuni Fríðu, umframt at tey sleppa á konsert hjá FríðuTónar.
Upphitingin mundu verða nakað góð, tí vit frætta frá skaðastovuni á Klaksvíkar Sjúkrahúsi í dag, at ongin kom á gátt eftir kappingina ígjár.
