Hesa vikuna er Fótbóltssambandið vertur fyri eini norðurlendskari ráðstevnu um menning av fótbóltsspælarum.
Ráðstevnan veðrur hildin á Hotel Føroyum frá týsdegnum til hósdagin, og venjarar, venjarainstruktørar og onnur úr øllum norðurlondum eru við til ráðstevnuna.
Seinnapartin mikudagin kemur norðurlendska ferðalagið til Klaksvíkar á vitjan. Luttakararnir skulu síggja onkra venjing í Føroyum, og FSF hevur biðið KÍ standa fyri eini serligari venjing í hesum sambandi. KÍ hevur í ár havt serligar talentvenjingar fyri úrvaldar spælarar í felagnum, og tað er slík venjing, sum verður mikudagin kl. 16.15.
Eftir venjingina verður prátað og diskuterað á Loftinum í KÍ-høllini, og mikukvøldið skulu luttakararnir eta døgurða á Hereford.
