Samanbering við somu tíð í 2012: Hyggja vit eftir kappingini í Effodeildini um somu tíð í fjør, so hevur NSÍ størstu framgongdina, meðan meistararnir hava størstu afturgongdina tætt fylgdir av Víkingi.
8 umfør eru leikt í Effodeildini og nógv verður tosað um, hvørji lið eru betri ella verri fyri enn í fjør. Stigatalvan lýgur ongantíð, men summi lið hava søguliga sæð betri úrslit summar tíðir á árinum enn annars. Vit hava við hjálp frá FaroeSoccer samanborið gongdina tey fyrstu 8 umførini í ár við úrslitini í fjør eftir 8 umførum. Kanska heldur óvæntað fyri mong hevur NSÍ, sum í løtuni liggur nr. 6, størstu framgongdina við 7 fleiri stigum enn um somu tíð í fjør.HB hevur eisini fitta framgongd á 5 stig, meðan EB/Steymur og Víkingur hava størstu afturgongdina. Ávíkavist við 7 og 6 stigum.
| 1. | NSÍ | 7 |
| 2. | HB | 5 |
| 3. | KÍ | 3 |
| 4. | TB | 1 |
| 5. | ÍF | -1 |
| 6. | B36 | -2 |
| 7. | Víkingur | -6 |
| 8. | EB/Streymur | -7 |
| 9. | 07Vestur | 3 stig færri enn B68 |
| 10. | AB | 1 stig færri enn Fc Suðuroy |
