Tveir av trimum leikarum skoraðu í sínum fyrsta dysti frá byrjan á besta KÍ liðnum.
KÍ vann ein tryggan sigur, tá FC Suðuroy vitjaði í dag.
KÍ hevur eitt lið í ár, har tað á nógvum plássum er útskifting í mun til í fjør. Í dag byrjaðu tríggir leikarar fyri fyrstu ferð og hendan djarva avgerðin hjá venjaranum gav úrslit. Tí tvey av trimum KÍ málum komu frá leikarum, sum fyri fyrstu ferð byrjaðu inni á besta liðnum hjá KÍ í landskappingini. KÍ vann 3-0 og málini skoraðu Kenan Hajdarevic, Jákup B. Andreasen og Ndende A. Guéye, har teir báðir fyrru spældu sín fyrsta dyst frá byrjan á besta KÍ liðnum.
Hini úrslitini passaðu soleiðis, at KÍ nú liggur einsamalt á 2. plássi við 4 stigum. Har skal tó havast í huga, at KÍ hevur spælt móti báðum uppflytarunum, har tað helst ikki var óvæntað frammanundan, at KÍ fór at fáa nógv stig.
