Nú fara norðoyingar eisini at kappast í kurvabólti.
Nú fara norðoyingar eisini at kappast í kurvabólti.
Í løtuni eru trý feløg í kurvabólti í Føroyum. Tey eru Sporðdrekin og Hamar úr Havn og Ravnur av Toftum. Kappingin koyrir í nakrar mánaðir um veturin og í løtuni er bara kapping í bestu mansdeildini.
Hávur eitur nýggja felagið
Nýggja felagið í Klaksvík eitur Hávur og nevndin er longu skipað.
– Tað er vaksandi áhugi fyri kurvabólti í Føroyum og uttan at vita av hvørjum øðrum, vóru tað tvey fólk, ið høvdu vent sær til Klaksvíkar Kommunu fyri at fáa venjingartímar og kanna møguleikan at seta á stovn eitt felag. Fleiri norðoyingar hava vant við Ravni á Toftum, men nú fáa vit okkara egna felag at venja við. Tað verður fyri bæði vaksin og børn, kvinnur sum menn. Fyrstu tíðina skulu vit gera okkum nakrar royndir, men eftir summarfrítíðina í ár vænta vit, at felagið koyrir við fullari orku. Tá fara vit eisini at luttaka í landskappingini, siga stovnararnir við Norðlýsið. Hávur hevur eisini sett venjara til besta mansliðið, sum verður Rainer Laturpeirissa, meðan Erla Mirmansdóttir venur besta kvinnuliðið. Fyribils verður vant í fimleikahallunum, men arbeitt verður við at sleppa at venja í Badmintonhøllini eftir summarfrítíðina.
Nýggja nevndin hjá nýggja felagnum, Hávi, er mannað soleiðis:
Forkvinna: Erla Mirmansdóttir
Næstformaður: Petur Olsen
Skrivari: Áron Sofus Vest
Kassameistari: Jóhannes Klakk
Nevndarlimur: Anna Jónsveinsdóttir Simonsen
Tiltakslimur 1: Ísak Hansen
Tiltakslimur 2: Kirstin Unadóttir Staksá
Grannskoðari: Beinta Persdóttir Jacobsen
Venjari, menn: Rainer Laturpeirissa
Venjari, kvinnur: Erla Mirmansdóttir
Hjálparvenjari, kvinnur: Anna Jónsveinsdóttir Simonsen
Venjari, børn: Tey vaksnu skifta um at venja børnini (ein tíma um vikuna)
