Nýggja staklagið ‘Egin slóð’ hjá Jógvan Andrias var 22.apríl lagt út á allar alnót-tónleikapallar sum Tutl samstarvar við.
Egin slóð – Orð og lag Jógvan Andrias
Upptøka í upptøkuhølinum hjá Finnur Hansen við Svalbardsveg og í upptøkuhølinum hjá Una R. Debess við Íslandsveg í tíðarskeiðnum 09.01.-12.03.2023.
Framleitt, ljóðblanda og frumbanda hevur Uni R. Debess.
Tónleikarar
- Jógvan Andrias, sang
- Edvard Nyholm Debess bas, sang, arr. røddir
- James Philip Goodwin slagverk
- Finnur Hansen klaver, melodica og celeste
- Uni Debess, gittar og banjo
Myndamaður: Gwenaël Akira Helmsdal Carré
Útgáva apríl 2023, Tutl.
–
Jógvan Andrias
Jógvan Andrias er yrkjari, lagsmiður og sangari úr Klaksvík.
Eftir at Jógvan Andrias tók eitt tónleikaskeið á vísilinjuni á norðurlendska háskúlanum í Kungalv í Svøríki í 1987, fór hann í álvara undir at skriva egnar sangir.
Í 1991 var sangurin ‘Ljós í Myrkri’ við á Amnesty tónar.
Í 1999 kom fyrsta fløga hansara Soleiðis Saman. Í 2009 hevði hann lagið Leikum Fagurt við á útgávu hjá Bláu Bylgju.
Síðani hevur hann latið úr hondum 3 stakløg: Sólarhvarv, 2017, Sóljuprinsessa, 2021, og Egin slóð, 2023.
