1. oktobur fer nýggja stuðulsskipanin fyri konsertfyriskiparar, Økistónar, av bakkastokki og tískil bjóða Tónleikasamband Føroya og Eiðis kommuna inn til eitt tiltak í Kolshøll, Týsdag 18.Juni kl.19.30, har greitt verður frá hvussu Økistónar er skrúvað saman, hvør kann nýta grunnin, hvussu søkt verður, osfr.
Tiltakið er ætlað øllum, miðlum, teimum sum eru áhuga í at skipa fyri konsertum og fólki annars, sum eru áhuga í tónleiki og mentan kring alt landið.
Eisini verður fyrsta Økistónar konsertin framførd við Guðrið Hansdóttir og bólki.
Kolshøll bjóðar drekkamunn í pausuni.
