Annað umfarið í SkipaQvistinum 2007 var hildið í snotuligu og hugnaligu felagshølunum hjá bátafelagnum Naddoddi á Tvøroyri.
30 skipaspurningar vóru á skránni, og ikki kann sigast annað, enn at júst hetta evnið hevur stóran áhuga millum manna her heima. Sera tætt var millum luttakararnar, og til endans lógu tveir í oddinum, soleiðis at lutakast mátti til.
Teir báðir fremstu vóru Símun J. Nybo, Tvøroyri, og Páll Josephsen, Klaksvík. Aftaná lutakast var tað so Páll Josephsen, ið gjørdist endaligur vinnari av SkipaQvistinum á Jóansøku 2007. Hetta merkir, at Páll verður millum finalistarnar í stóru finaluni á Sjómannadegnum, sum verður hin 18. august í Klaksvík.
Triða umfar av SkipaQvistinum fer fram nú sunnudagin 1. juli kl. 15.00 í Mentanarhúsinum í Fuglafirði. Øll áhugaði eru vælkomin at luttaka.
Tað er SKIPALISTIN, sum skipar fyri kappingini.
