Jaspis og Ametyst landa á Kósini í dag, meðan Safir og Smaragd landaðu í gjár.
Partrolararnir sum royna eftir upsa undir Føroyum hava havt rokfiskiskap síðstu vikurnar. Onkrir hava sagt, at teir onkran túr ongantíð áður hava brúkt so stutta tíð uppá at fylt skipini.
Í dag landa Jaspis og Ametyst. Teir hava fulla last, sum eru tilsamans áleið 260.000 pund. Í gjár landaðu Safir og Smaragd og teir høvdu somuleiðis fulla last, tilsamans 260.000 pund. Báðir royndu eystanfyri og byrjaðu túr hósdagin (Safir og Smaragd) og mikudagin (Jaspis og Ametyst).
