Nýggju álopsleikararnir hjá B36 og Víkingur eru heitir í løtuni, hvat málum viðvíkur.
Meistararnir seinastu árini møttust í dag í venjingardysti í Sarpugerði í Norðragøtu.
Hálvsleiksstøðan var 0-0 og tá bendi einki á, at vit skuldu fáa nakran málríkan dyst. Men í seinna hálvleiki komu 5 mál. Sølvi Vatnhamar legði Víking á odda við brotssparki eftir at Fróði Benjaminsen var feldur. Róaldur Jakobsen javnaði við brotssparki eftir at Patrik Johannesen var feldur. Adeshina Lawal vísti aftur hesaferð máltev og legði Víking á odda 2-1. Men tað bleiv dagur í viku hjá nýggja B36 álopsleikaranum Patrik Johannesen, tí móti endanum av dystinum skoraði hann tvey mál soleiðis at B36 vann dystin 3-2.
Víkingur-B36 3-2 (0-0)
1-0: Sølvi Vatnhamar (brotsspark)
1-1: Róaldur Jakobsen (brotsspark)
2-1: Adeshina Lawal
2-2: Patrik Johannesen
2-3: Patrik Johannesen
Víkingur byrjaði við hesum liðnum (4-2-3-1): Elias Rasmussen – Gert Hansen, Atli Gregersen, Óla Kristian Jacobsen, Hanus Jacobsen – Fróði Benjaminsen, Hans Jørgen Djurhuus – Filip Djordjevic, Sølvi Vatnhamar, Hans Pauli Samuelsen – Adeshina Lawal. Seinnu komu m.a. Magnus Jarnskor og Fannhard Skoradal á vøllin.
B36 byrjaði við hesum liðnum (4-2-3-1): Jákup Højgaard – Høgni Eysturoy, Bjarni Petersen, Fróði Rasmussen, Alex Mellemgaard – Róaldur Jacobsen, Magnus H. Jacobsen – Benjamin Heinesen, Lukasz Cieslewicz, Hannes Agnarsson – Patrick Johannesen. Seinni komu Gestur Dam, Jógvan Andrias Nolsøe, Erlendur Magnussen, Gilli Samuelsen og Christian R. Mouritsen á vøllin.
