Eplafestivalurin hevur havt nógv at bjóða í dag, og í kvøld verður so skipað fyri borðhaldi og dansi. Men her eru nakrar myndir afturat frá í dag.
Ponyríðingin og djóragarðurin gjørdu lukku. Tarvaskítingin var eitt stuðulstiltak, har vinningarnir vóru sera góðir.
Norðlýsið endaði dagin við einum túri vestur á Gróthúsvatn, har vit sóu brimgangin mótu Nípuni. Fram við “Spruttholinum” vóru vit eisini, har vit sóu Dímunar báðar í baksýninum. Alt í alt ein framúr dagur við nógvum fólksligum upplivingum, har vit eisini hittu gamlar kenningar úr Klaksvík, sum at kalla vóru blivnir burtur úr minninum.
Flott og viðkomandi tiltak í Trøðum á Sandi.
