Bilrøkt varð stovnað av Jákup á Borg í 2005, Wenzel varð stovnað av Wenzel Petersen í 1925. Nú verða fyritøkurnar um stutta tíð lagdar saman til eina stóra fyritøku, ið kann bjóða alskyns tænastur.
Virksemi hjá Bilrøkt byrjaði í 2005 við reingerð av bilum og brúktbilasølu. Jákup á Borg setti felagið á stovn og sat sum stjóri, inntil felagið var selt.
Í fyrstuni var virksemið í gamla verkstaðnum hjá Suzuki við Varðagøtu í Havn. Her varð arbeitt við at reingerða bilar fyri kundar, umframt søla av brúktum bilum. Tað gjørdist skjótt greitt, at hølini vóru ov trong. Bilrøkt flutti síðan í munandi størri hølir í Pedda við Steinsgøtu eftir hálvt annað ár við Varðagøtu. Hesi hølini blivu nýtt í hálvt annað ár, tá flutt bleiv út í Stiðjagøtu, har Bilrøkt hevur hildið til síðani tá.
Fyri Wenzel var alt virksemi samlað úti í Bakka til 1970, tá bilasølan og bilverkstaðurin fluttu í nýggjan bygning við Oyggjarvegin. 20 ár seinni, í 1990, flytur mekaniski verkstaðurin eisini í nýggjan bygning við Oyggjarvegin og í 1993 verður virksemi flutt út á Akranesgøtu, har tað enn heldur til í dag.
Tann 10. oktober 2006 keypti Gunnar Justinussen P/F Wenzel og 22. desember 2017 valdi Gunnar Justinussen at selja P/F Wenzel til Rúna Djurhuus.
Í 2022 keypti Rúni Djurhuus Bilrøkt og er ætlanin næstu mánaðirnar, at leggja P/F Wenzel og Bilrøkt saman til eina stóra fyritøku, ið kann bjóða alskyns tænastur og taka í móti alskyns bilmerkjum.
01.mars 2021 stovnaði P/F Wenzel eina deild ið kallast Quick Service, sum avgreiðir – saman við verkstaðnum – skund service uppgávur, so sum eftirlit, oljuskift, bremsur, dekk, útstoyt, undirvogn – her undir stýrilið, upphangskúlur, fjarðar, búsningar, leiðir, tannstong – kamreim á flest øllum merkum, umvæling og góðkenning av sýnseðlum, lykt-kanningar og peruskift, ja flest allar mekaniskar umvælingar.
Hetta er byrjanin av stóru samleggingini hjá feløgunum báðum og sum liður í hesum, er handan deildin nú flutt oman í gomlu hølini hjá Bilrøkt á Stiðjagøtu 3.
Heðin Weihe – leiðari á Quick Service – og hansara menn eru frá í dag, týsdagin 04.apríl, klárir og spentir til at taka ímóti kundum, í nýggju hølunum hjá Quick Service á Stiðjagøtu 3.
