Mest skorandi leikarin í føroyskum fótbólti takkar nú fyri seg.
Rannvá B. Andreasen váttar fyri Norðlýsinum, at nú hevur hon tikið avgerð um at steðga í bestu deildini. Tískil verður dagsins dystur móti HB, har KÍ fær FM-steypið handað, tann síðsti hjá henni. Hon sigur, at ein orsøk eisini er, at hon nú fer undir at taka A-venjaraútbúgvingina.
Rannvá hevur eina heilt serliga søgu í føroyskum fótbólti. Tí eingin leikari hevur skorað í nærheitini so nógv mál í bestu deildini.
Sambært FaroeSoccer og FSF so hevur Rannvá B. Andreasen hesi hagtølini:
Rannvá B. Andreasen spældi fyrsta dystin á besta liðnum hjá KÍ í 1995 og hevur spælt á hvørjum ári síðani. Tilsamans 29 kappingarár. Hesi árini hevur Rannvá vunnið FM 23 ferðir og steypakappingina 16 ferðir. Og greipuna 16 ferðir.
Dysturin millum HB-KÍ í dag byrjar kl. 15.00.
