– Setanarbólkurin valdi best skikkaðu umsøkjararnar til skiparar á Smyrli og hvussu leingi ein hevur verið í starvið hjá SSL hevur einki við sakina at gera, sigur Regin Vágadal
Tá setanarviðurskiftini á Strandferðsluni vóru fyri í tinginum í gjár førdi Hergeir Nielsen fram, at tað var løgið at stjórin á strandferðsluni ikki tók menn, sum høvdu silgt í mong ár hjá Strandferðsluni í betraktning tá skiparastørvini á Smyrli skuldu setast.
Hann helt tað vera løgið at mann tók fólk uttanífrá fram um starvsfólk á Strandferðsluni.
Regin púra ósamdur
– Skal hugburðurin hjá Hergeir Nielsen verða galdandi í setannarviðurskiftum so átti jú tann, sum hevði arbeitt longst á Strandferðsluni at verið stjóri – og tað haldi eg als ikki verða rætt.
– Í samband við starvsetanirnar á Smyrli var ein setannarbólkur settur har ein bólkur við fýra persónum valdi best skikkaðu umsøkjararnar til størvini.
– Eg fylgdi tilráðingini frá setannarbólkinum og eg dugi ikki at síggja at eg skuldi handlað annaðleiðis.
– Eg haldi at málið viðvíkjandi starvsetan á strandferðsluni vísir at politikarar skullu halda seg langt vekk tá talan er um starvsetannir hjá tí almenna og halda seg til at gera reglur og yvirornaðan politikk fyri stovnarnar.
