Tey eru helst mong, ið hava notið dagarnar um Hvítusunnuna, nú veðrið hevur verið so framúr. Norðlýsið var á ferð í Saksun um vikuskiftið. Sum vera man, so er altíð nógv fyri myndatólið í Saksun. Eitt klípi frá túrinum eru myndirnar av reiðfólkunum vit møttu.
Ítróttar- og frítíðarítrivini eru mong, og ikki minst hjá okkum føroyingum eru ljósari dagarnir og kvøldini kærkomin.
Á lánni í Saksun var ikki so lítið av aktiviteti. Vit koma við eitt sindur meira seinni. Men fyrst hesar myndirnar av reiðfólkum vit hittu.
Njótið myndirnar, og um tær fáa teg upp úr stólinum og út i náttúruna, so hava tær gjørt gagn. Myndirnar eru tiknar leygardagin, og hóast væl av vindi var, og lotið kom kalt oman úr stóru fannunum í fjøllunum, so munti sólin tó væl har hon stóð á.
Vit lata myndirnar tala.
