Renning: Venjingarætlan fyri byrjarar

Henda venjingarætlanin er serliga ætla teimum, sum fegin vilja byrja at renna, og sum ikki rættiliga hava íðka nakað slag av motión í eina tíð. Málið er at kunna renna 8-10 km um umleið 8 vikur.

Málbólkur
Henda venjingarætlanin er serliga ætla teimum, sum fegin vilja byrja at renna, og sum ikki rættiliga hava íðka nakað slag av motión í eina tíð. Málið er at kunna renna 8-10km um umleið 8 vikur. 

Hví vilt tú renna?
Tá ein ikki er vanur við at íðka motión er tað umráðandi at ein byrjar rætt, og sum tað fyrsta eigur ein at hugsa um, hvat tað er ein ynskir at uppnáa við at byrja at renna. Eitt mál kann vera at ein ynskir at tapa seg í vekt; eitt annað tí ein situr stillur allan dagin á skrivstovu, og tí fegin vil gera nakað aktivt sum kann íðkast tá ein hevur tíð. Eitt triðja tí ein fegin vil vera við í renningini undir Lorvíksfjørð tá Norðoyatunnilin letur upp. Orsøkin til at tað er umráðandi at hava gjørt sær hesar tankar er, at venjingin skal tillagast eftir tí.
 
Byrja spakuliga
Um ein ikki hevur íðka motión i heila tikið, so skal kroppurin vendast til at vera aktivur, tá ein annars lættliga kann fáa skaða longu frá byrjan, og hugurin tí oftani fellur skjótt aftur.
 
Stuttir teinar
Um tú ert í standi til tað, so byrja við at renna túrar uppá 2-3 km. Um tú hevur tørv á tí, so gang eina løtu inn ímillum. Hald á við teininum 2-3 ferðir um vikuna í einar 2-3 vikur ella til tú hevur klára at renna teinin uttan at ganga, og uttan at vera serliga móður. Syrg endiliga fyri at renna við lágari ferð, tá ferðin er undirordnað. Um tú pressar teg ov nógv í byrjani, er vandin fyri at blíva skaddur nógv størri, so renn við lágari ferð.

Veks um teinin
Tá teir 3 km ikki longur eru ein trupulleiki, so kanst tú byrja at renna nakað longri. Tú kanst økja teinin til 5 km, men har tú kortini framvegis rennur við somu ferð. Tú kanst eventuelt renna skiftivís 3 km og 5 km tað fyrstu tíðina, og síðani skifta til bert at renna 5 km. Um tú hevur tørv á tí á 5 km túrinum, so kan tú møguliga taka eina hvíld á hálvari leið. Hald á við at renna 2-3 um vikuna, og í eitt tíðarskeið uppá 3 vikur.

Tað síðsta stigi
Eftir 5-6 vikur ert tú nú klárur til at økja teinin til 7-8 km. Í verandi løtu vilt tú tíðiliga kunna merkja ein klára betring í forminum hjá tær og tínari vælveru í heila tikið. Tá tað í byrjani gott kann vera sera strævi at koma ígjøgnum venjingartúrin, er formurin hjá tær nú so mikið góður at tú byrjar at njóta tað meira, og er tað ikki nær so tungt longur, sum tá tú byrjaði at venja.
Í yvirgongdini til teir 7-8 km eigur tú eisini at skifta eitt sindur ímillum túrar uppá 5 km og 7-8 km. Aftur rennur tú hendan teinin 2-3 ferðir um vikuna og í eitt tíðarskeið uppá 2-3 vikur. Eftir tað ert tú tilreiðar at renna ein túr uppá 10 km.

Niðanfyri er eitt dømi uppá eina venjingarætlan:

Vika    mán      týs        mik      hós        frí      ley        sun
1           –           3km        –        3km         –       3km        –
2           –           3km        –        3km         –       3km        –
3           –           3km        –        3km         –       5km        –
4           –           3km        –        5km         –       5km        –
5           –           5km        –        5km         –       5km        –
6           –           5km        –        7-8km      –       7-8km    –
7           –           7-8km     –        7-8km     –        5km       –
8           –           7-8km     –        5km         –       7-8km    –
9           –           7-8km     –        10km       –       7-8km    –
10         –           10km      –         7-8km     –       10km      –