Danski Sjóvinnumynduleikin, Søfartsstyrelsen, viðurkendi í farna mánað enn eitt føroyskt serprógv innan vinnukaving.
Talan er um serskeið innan sveising í sjónum.
Í Føroyum er útbúgvingin innan kaving við luftveiting frá landi/vatnskorpuni skipa soleiðis, at undirvísing í sveising bæði á landi og í sjónum er ein partur av samlaðu undirvísingarætlanini.
At ein danskur vinnukavari hevur fingið føroyska sveisi-prógv sítt viðurkent hevur við sær, at aðrir danskir kavarar nú eisini hava møguleika at ferðast til Føroyar at eftirútbúgva seg innan sveising í sjónum.
