30. september savnaðust eftirkomararnir eftir bóndahjúnini Joen Paula Joensen (1858-1901) og Sophie Cathrine Ziska (1848-1911) í Innistovu í Vági.
Nú sunnudagin settu tey minnisplátu um Innistovulonina.
Í Vági í Klaksvík eru tríggir kongsgarðar, Innistova, 7 merkur, Útistova 5 merkur og Tunghúsgarðurin 2 merkur. Afturat teimum er so Akursmørkin ið eigur nakað av ogn.
Innistovulonin varð tikin niður helst fyrst í 60-árunum. Minnisplátan bleiv avdúkað sunnudagin við talvborðið í Vági og verður sett føst ein av fyrstu døgunum.
