Norðlýsið hevur seinasti trý árini roynt at fingið innlit í nýtsluna av evnafrøðisligum evnum og heilivági, sum Landslæknin, Landsdjóralæknin, Landsapotekarin á hvørjum árið hava játta alivinnuni at brúka í samband við aling á føroysku firðunum.
Einastu tøl, sum eru almenn eru tøl yvir samlaða nýtsluna av evnafrøðisligum evnum hjá allari alivinnuni í Føroyum bólka eftir slag av heilivági.
Granskari á Umhvørvisstovuni staðfesti í samrøðu við Norðlýsið, at samlaða nýtslan hjá vinnuni av einum ávísum slag av evnafrøðisligum evni, sum í 2014 var latið út í náttúruna, í nøgd var nóg mikið til at drepa alt lív hálva aðru ferð í Sundalagnum, sum er vatn ríkasta aliøkið í landinum.
Landsstýrismálanevndin vil ikki blanda seg uppí
Í brævið til Norðlýsið fyri løtu síðan skrivar Landsstýrismálanevndin m.a.:
… Landsstýrismálanevndin hevur tann 1. Januar 2018 móttikið klagu tygara, har tygum heita á landsstýrismálanevndina at bera so í bandi, at Heilsu- og innlendismálaráðið aktar boðin frá Løgtingsins Umboðsmanni….
Málið hevur verið viðgjørt á fundi tann 17. Januar 2018, og gjørdi meirilutin (Magnus Rasmussen og Annita á Fríðriksmørk) av ikki at gera meira við málið…..
…. Tað er siðvenja, at tá annar av hesum eftirlitsmyndugleikum (Red: Løgtingsins Umboðsmaður ella Landsstýrismálanevndin) viðger ella havur viðgjørt eitt mál, so fer hin eftirlitsmyndugleikin ikki inn og viðger sama málið…..
…. Landsstýrismálanevndin vanliga ikki viðger klagur, sum viðvíkja innliti í fyrisitingina, av tí at talan er um mál, sum natúrliga hoyra undir løgtingsins Umboðsmann….
Les alla niðurstøðuna hjá Landsstýrismálanevndini her (PDF):
